Shtator rriten cmimet e ushqimeve cigareve karburanteve dhe librave shkollore

 Indeksi i grupit “Ushqime dhe pije jo alkoolike” shënoi një rritje 0.5 përqind. Këtu mund të përmendim rritjen e çmimeve të nëngrupit “zarzavate” 0.8 përqind dhe nëngrupit “fruta” 0.9 përqind. Po ashtu gjatë muajit shtator, edhe veshjet e këpucët kanë shënuar një rritje prej 0.2 përqind, gjë që lidhet me fillimin e sezonit shkollor. Indeksi i grupit “Pije alkolike dhe duhan” ka shënuar një rritje prej 1.6 përqind, rritje kjo që ka ardhur si rezultat i rritjes së çmimit të duhanit me 3.1 përqind.

Poas htu gjatë muajit shtator janë rritur edhe çmiemt e qerave, që brenda grupit “qera, ujë lëndë djegëse dhe energji” arrijnë në 1 për qind.
Gjatë muajit Shtator çmimi i naftës shënoi një rritje prej 1.5 përqind dhe çmimi i benzinës një rritje prej 2.4 përqind. Indeksi i grupit “Argëtim dhe kulturë” ka shënuar një rritje prej 0.5 përqind, ku mund të veçojmë rritjen e çmimeve për librat shkollor me 1.8 përqind.