Shtepia ne flake, dyshohet per ndertim pallati

Fier- Nje banese e braktisur ne lagjen "Konferenca e Pezes", prane Sharres, ka rene ne flake duke u shkrumbuar. Lajmi konfirmohet nga burime te policise se Fierit, si dhe nga sherbimi zjarrfikes i qytetit. Ka qene ora 11:30 e mesdites se djeshme kur zjarri perfshiu nje banese te braktisur, pronaret e se ciles jane emigrante. Menjehere ne vendngjarje kane shkuar automjete zjarrfikese dhe forca te policise. Mesohet se zjarri ka shkrumbuar krejtesisht catine e shtepise, pa shkaktuar deme te tjera. Nga hetimi paraprak qe eshte kryer, dyshohet se zjarri eshte i qellimshem, i vendosur nga persona ende te paidentifikuar, per krijimin e mundesive te ndertimit te nje pallati ne kete zone. Burime zyrtare u shprehen se po hetojne ngjarjen per te zbuluar autoret e mundshem te zjarrvenies. Nderhyrja e menjehershme ka parandaluar perhapjen e flakeve ne ndertesa te tjera perreth zones.

Xh.B.