Shtyhet Gerdeci gjykata kerkon pranine e deshmitarit Patrik Henri
TIRANE - Mungesa e amerikanit Patrik Henri ish-administrator i kompanise SAC dhe e tre qytetareve te tjere nga SHBA-te ka sjelle qe dhe seanca e radhes per tragjedine e Gerdecit te deshtoje. E percaktuar per tu zhvilluar dje gjykata ka vendosur te shtyje seancen per ne daten 17 shtator. Gjykata ka kerkuar qe deshmitaret nga SHBA te jene te pranishem ne gjyq dhe jo te lexohen deshmite e tyre. Para trupit gjykues nuk u paraqit as Henri dhe as tre shtetasit amerikane te cilet ishin thirrur per te deshmuar ne lidhje me fabriken e demontimit ne Gerdec per kontratat e lidhura me kompanine MEICO si dhe per shperthimin tragjik te 15 marsit 2008. Per kete arsye kryetari i trupit gjykues Ritvan Hado vendosi te therrase serish permes leter-porosise deshmitaret e munguar te cilet pritet te paraqiten ne salle ne daten 12 nentor. Ne fakt administratori i kompanise SAC ka dhene shpjegimet e tij per prokurorine gjate periudhes se hetimeve duke pohuar se kishte bere vetem biznes te ligjshem ne Shqiperi.
Seanca
Seanca gjyqesore e radhes per ceshtjen Gerdeci u shty per shkak te mungeses se deshmitareve. Ne kete seance ishte parashikuar qe te pyeteshin disa nga deshmitaret e prokurorise. Por mungesa e tyre beri qe Gjykata ta shtyje seancen per ditet e ardhshme. Gjithashtu ka munguar deshmia e shtetasit amerikan Patrik Henri njerit nga perfaqesuesit e kompanise SAC qe pritet te mberrije nga SHBA-te.
Dje ne Gjykaten e Shkalles se Pare pritej te mberrinte per te deshmuar Patrik Henri administrator i kompanise amerikane Southern Ammunition Company Inc. Por mungesa e tij beri qe kjo seance te deshtoje dhe te pritet seanca e radhes per degjimin e deshmive rreth lidhjeve te amerikanit me fabriken ne Gerdec.
Leter-porosia
Nje vit me pare per Prokurorine shqiptare mberriti nga Amerika deshmia e Patrik Henrit administratorit te kompanise amerikane Southern Ammunition Company Inc. Ne deshmine e tij Henri ka shpjeguar se ka realizuar biznes te rregullt per demontimin e municioneve dhe nuk ka shkelur asnje ligj. Me 28 dhjetor 2007 kompania e tij Southern Ammunition Company Inc ka nenshkruar nje kontrate me ndermarrjen shteterore MEICO prane Ministrise se Mbrojtjes ku kishte te drejten te cmontonte dhe demilitarizonte municionin luftarak te blere. Vlera monetare e kontrates se shitblerjes mes MEICO-s dhe SAC-it kapte shifren e 582 326 dollareve amerikane. Tri dite me vone SAC ia ka shitur arsenalin ushtarak kompanise shqiptare Albademil sh.p.k me administrator Mihal Delijorgjin. Marreveshja mes Patrik Henrit dhe Mihal Delijorgjit eshte nenshkruar me 31 dhjetor 2007.
14 Shtator 2010