Shtyhet në 17 shkurt gjyqi ndaj Aldo Bares

Gjykata e Krimeve të Rënda shtyu për në 17 shkurt seancën e radhës në ngarkim të Aldo Bares. Gjatë seancës së shkurtër të ditës së sotme, gjykata rrëzoi gjithë kërkesat e Bares që kishin të bënin me pavlefshmëri të afateve të paraburgimit, pavlefshmëri të kërkesës për gjykim, pavlefshmëri të njoftimit te akuzës si edhe pushimin e dy akuzave.
Pas këtij vendimi, avokati mbrojtës i kreut të bandës së Lushnjes, kërkoi shtyrje të seancës pasi do të konsultohet me klientin e tij për vazhdimësinë e gjykimit.