Shvarceneger si në film; avioni i tij ulje të detyruar

Los Angeles- Avioni i guvernatorit të Kalifornisë, Arnold Shvarceneger bëri një ulje emergjente të detyruar në Los Anxhelos dje, pasi piloti njoftoi për tym në bord, informoi sot zyra e tij. ‘Megjithëse nuk pati ndonjë zjarr të dukshëm, piloti e uli avionin në aeroportin e Van Nuysit, 10 minuta para se ai duhet të ulej në Santa Monika, në afërsi të shtëpisë së ish-aktorit', deklaroi zëdhënësi Aaron McLear.

"Pas uljes guvernatori la avionin dhe udhëtoi për në shtëpi", tha McLear. "Ekuipazhi i avionit bëri një punë të shkëlqyer dhe të gjithë në bord zbarkuan të sigurtë dhe të padëmtuar", shtoi ai.