Siguria, debate per krimin, thirret ministri Rozeta Rapushi

Debate ne Komisionin Parlamentar te Sigurise ne lidhje me situaten e kriminalitetit ne vend. Perkimi i mbledhjes se djeshme, me dhenien e lamtumires se komisarit te Burrelit, Musa Skura, i cili humbi jeten ne krye te detyres, shkaktoi diskutime jo te pakta mes deputeteve ne komision, mbi shkallen e kriminalitetit ne vend. Sipas deputeteve socialiste anetare te komisionit, situata ne vend eshte alarmante dhe ne keto kushte eshte e domosdoshme qe Ministri i Brendshem, Flamur Noka, te jape shpjegime mbi kete situate ne komision dhe te raportoje ne lidhje me masat qe po merr shteti per reduktimin e ketij fenomeni. “Nevojitet nje raportim i ministrit mbi situaten e kriminalitetit ne vend”, - beri apel nenkryetari i komisionit, Ilir Gjoni. Por sipas demokrateve, nuk eshte aspak e vertete se situata eshte e rende. Madje sipas tyre, gjate qeverisjes se djathte, jane goditur mbi 600 grupe kriminale. Megjithate, pas diskutimeve per situaten e krimit ne vend, komisioni vendosi qe ne mbledhjen e pese shkurtit, te therrase per raportim para deputeteve, ministrin e Brendshem, Flamur Noka, i cili do te jape te dhena mbi situaten e krimit ne vend dhe ngjarjet me te bujshme. Sigurisht do te flase dhe per masat e mara ne luften kunder krimit. Nga ana tjeter, opozita ne Komisionin e Sigurise, hodhi dyshime te forta se agjencite e inteligjences po perdoren per te manipuluar zgjedhjet parlamentare te 23 qershorit. Nenkryetari i komisionit, Ilir Gjoni, duke folur per kete ceshtje, kerkoi thirrjen ne seance urgjente te shefit te SHISH dhe atij te Agjencise prane Ministrise se Mbrojtjes. Nderkohe, qe per te perforcuar keto akuza, deputeti socialist, anetar i komisionit, Pirro Lutaj, denoncoi perdorimin sipas tij, te mjeteve ushtarake ne komunat e drejtuara nga demokratet, per te ndikuar ne fushaten elektorale qe eshte ne prag. Debate ne mbledhjen e djeshme te komisionit u bene edhe per situaten e furnizimit me energji, e cila sipas Partise Socialiste, eshte kritike. Pervec ketyre diskutimeve, Komisioni Parlamentar i Sigurise, amendoi marreveshjen e ekstradimit, firmosur nga qeveria e Shqiperise dhe ajo e Kosoves. Gjate diskutimit te projektligjit ne fjale, deputeti socialist, Arben Isaraj, e cilesoi te pavend perdorimin edhe te gjuhes serbe ne nje marreveshje mes 2 shteteve meqe kane gjuhe zyrtare, shqipen. Por perfaqesuesja e qeverise tha se, serbishtja ishte perdorur me kerkese te pales kosovare. Pas hyrjes ne fuqi te kesaj marreveshjeje, dy shtetet mund te ekstradojne te denuar per vepra penale, duke perjashtuar ato krime, qe kane sfond politik.