Sikletet e Leo’s

Siç e pranon edhe vetë për mediat amerikane, filmi i ri i yllit hollivudian, Leonardo DiCaprio doli të ishte një sfidë e madhe për të. Në filmin e ri biografik të Clint Eastwood, Leo luan rolin e ish-drejtorit të FBI, J. Edgar Hoover.

Me qëllim që t’i ngjajë sa më tepër Hoover’it kontrovers, DiCaprio kalonte nga disa orë në ditë i grimuar.

"Ndjehesha tmerrësisht shumë klaustrofobik. Maska protetike është shumështresore, ndërkohë që u desh që të shtoja edhe peshë trupore. Kjo s’ishte gjë e vështirë vetëm fizikisht, sepse më duhej edhe të hyja në karakterin e njeriut që kishte 50 vjet përvojë me njerëzit që e rrethonin. Më duhej që pothuajse të ngadalësoja punën e zemrës për ta ndier këtë gjë”, theksoi DiCaprio.

Kolegu i tij, Armie Hammer, i konfirmon ato që i thotë DiCaprio.

"Ishte një proces tmerrësisht i gjatë. Për t’u grimuar shfaqeshim në orën nëntë të mëngjesit, të grimuar, dhe përfundonim në orën 17. Tek rreth mesnatës fillonin xhirimet, ndërsa në fund na duheshin edhe dy-tre orë që ta hiqnim grimin”.