Silva mendon vetëm për Milanin

Thiago Silva thotë ai është i fokusuar te Milani dhe nuk synon të largohet nga San Siro.

Mbrojtësi brazilian sapo ka nënshkruar marrëveshjen e re me Rossonerët, edhe pse më herët u lidh me një mega-transferim te Paris Saint Germain.

“Kurrë nuk kam menduar të largohem nga Milani. Por në futboll është normale që ju të merrni oferta nga klubet tjera”.

“Unë jam shumë i afërt me Ibrahimovic, Cassanon, Robinhon, Paton dhe Yepes, dhe ata më këshilluan të mbetem te Milani. Besoj në fuqinë e Milanit për sezonin e ri”.

“Dua t`i jap fund këtij sezoni në mënyrën më të mirë në Olimpiadën në Londër dhe pastaj të rikthehem menjëherë për një tjetër sezon te Milani”, ka thënë Silva.