Sindikatat: Qeveria po privatizon kapitalin

Konfederata e Sindikatave te Shqiperise akuzon qeverine se po privatizon kapitalin shteteror per te siguruar te ardhura per zgjedhjet e ardhshme, me nje vendim qe ne fakt do te kete pasoja te renda per ekonomine shqiptare.

Kryetari i Konfederates se Sindikatave, Kol Nikollaj paralajmeroi rritjen e cmimeve per energjine, telefonine dhe sherbimet perkatese qe ofrojne kompanite AMC, Telekom, INSIG, Alb-Petrol, OSSH etj, te cilat qeveria aktuale po i privatizon ne teresi.

Per me teper Nikollaj e vleresoi te papergjegjshem kete vendim per shkak te krizes globale, kur po rishikohen me urgjence politikat monetare financiare boterore.

Kryetari i Konfederates akuzoi se kjo menyre e rrufeshme privatizimi, po kryhet ne nje terr informativ dhe ne mungesen e nje debati publik, pasi keto aksione shteterore i kane shumefishuar vlerat e tyre gjate ketyre viteve.

Sipas tij, llogaritet qe ekonomia shqiptare te humbase rreth 30 milion dollare ne vitet e ardhshme per shkak te shitjes se pershpejtuar te aksioneve.