Sindikatat turke në grevë
Sindikatat në Turqi do të zhvillojnë sot një grevë mbarëkombëtare, kundër dhunës së ushtruar ndaj protestuesve anti-qeveritarë.
Turqia është përfshirë nga trazirat që më 31 maj, kur policia ushtroi dhunë ndaj protestuesve të cilët kundërshtonin planin për ndërtimin e një qendre tregëtare në Parkun Gezi të Stambollit.
Përleshje midis policisë dhe protestuesve janë raportuar edhe natën e mbrëmshme.
Të dielën, kryeministri Recep Tayyip Erdogan u ka thënë mijëra mbështetësve në Stamboll se protestat kundër tij janë manipuluar nga terroristët.
Ai gjithashtu ka hedhur poshtë pohimet për sjellje diktatoriale.