Siri,qeveria kërkon garanci me shkrim nga opozita

Qeveria e Sirisë ka kërkuar “garanci me shkrim” nga opozita, para se ajo të tërheq trupat e saj nga disa qytete në këtë vend.
 

Kjo deklaratë e ministrisë së jashtme të Sirisë u bë dy ditë para afatit për armëpushim, të mbështetur nga Kombet e Bashkuara.
 

Presidenti i Sirisë, Bashar al-Asad, e ka pranuar marrëveshjen për armëpushim, të ndërmjetësuar nga Kombet e Bashkuara, që hynë në fuqi më 10 prill.
 

Por, ministria e jashtme e Sirisë tha sot se raportet e mëhershme se Damasku do t`i tërheq trupat e tij nga qytetet “është shpjegim i gabueshëm”.
 

Këto komente u bënë pas bombardimeve të djeshme, nga të cila u vranë afro 160 persona në provincat Idlib, Alepo, dhe lagjen Latamneh të qytetit Hama. Këto sulme kanë shkaktuar frikë se Damasku do ta injoroj armëpushimin.