"Situata paraqitet pa rreziqe, pas 72 oreve fillojne problemet"

Gjendja shendetesore e grevisteve opozitare ne diten e trete te greves, te vendosur ne bulevardin "Deshmoret e Kombit", paraqitet pa rreziqe. Lajmi eshte bere i ditur nga mjeku, Sabit Brokaj, i cili mengjesin e djeshem ka vizituar per nje kontroll mjekesore grevistet. Pas daljes nga tenda e tyre, Brokaj, permes nje komunikimi per mediat tha se gjendja e grevisteve ka pasur probleme te vogla, por pa rreziqe. "Ka pasur raste te luhatjeve te tensionit, crregullimi diabeti si dhe fenomene te tjera qe vine per shkak te mungeses se ushqimit", beri te ditur ai. Duke vijuar me tej berjen me dije te situates se grevisteve, Brokaj tha se situata mund te agravohet, pasi ne kushtet e mungeses se produkteve jetesore per 72 ore, fillojne edhe problemet shendetesore. Ne tenden e 20 deputeteve dhe 182 qytetareve qe kane hyre ne greves prej 30 prillit ndodhet edhe nje ekip mjekesore prej 3 personash.