Sivjet elita botërore poetike në Strugë

Fituesi i sivjetmë i “Kurorës së Artë” të Mbrëmjeve Strugane të Poezisë, një nga festivalet më prestigjioze poetike, Akademik Mateja Mateski, në 50 vjetorin e këtyre mbrëmjeve poetike, do të “sjell” në Strugë, sipas vlerësimeve të organizatorëve, mbi 150 poet nga mbi 70 vende të botës.

Ndër ata që tashmë kanë konfirmuar praninë e tyre në këtë manifestim poetik janë edhe laureatët e “Kurorës së Artë” të MSP, si Fatos Arapi (Shqipëri), Horhe Padron (Spanjë), Adonis (Siri)Tomazh Shallamun (Slloveni) e shumë të tjerë.

Në këtë festival jubilar të MSP, Struga do të jetë mikpritëse e numrit më të madh, numër rekord të poetëve nga mbarë bota, e këtë më së miri e vërteton se manifestimi i sivjetmë mbahet nën patronatin e UNESKO-së.

Në kuadër të manifestimit të MSP, do të inaugurohet edhe shtëpia përkujtimore kushtuar Vëllezërve Milladinovci, që një kohë të gjatë është rinovuar, meremetuar dhe rikonstruuar. (INA)