S'ka me permbytje, problem mbeten prurjet e Bunes
SHKODER- Buna nuk njeh pengesa, niveli i ujit afer qendres se qytetit shkon ne gjysme metri, kurse ne lagjet periferike mbi nje meter. Megjithese dje ne disa prej lagjeve ka pasur nje ulje te nivelit te ujit deri ne 30 cm, serish situata mbetet kritike per shkak te bllokimit te kanalizimeve te ujerave te zeza dhe te bardha, si dhe rrezikut te ndonje epidemie. Ministria e Brendshme njoftoi se prej tre ditesh shifrat e permbytjeve nuk kane ndryshuar, duke mos pesuar rritje, c'ka tregon per nje permiresim te lehte te situates. Nese do te mbaje koha ne ditet ne vazhdim, siperfaqet e permbytura te tokes sipas specialisteve mund te rikuperohen brenda nje kohe dy javore. Profesori i Gjeografise ne Universitetin e Shkodres, Rifat Talani, shpjegon se shkak i permbytjes eshte bere dhe mos shkarkimi i Bunes. "Nese nuk do te shkarkohet ne hidrocentrale dhe do te mbaje kohe e mire, atehere uji do te bjere menjehere nga niveli dhe tokat do te lirohen", tha Talani.
Siperfaqet e permbytura dhe shtepite nen uje jane ne numer te njejte, 10.400 ha toke dhe 2.499 banesa, kurse numri i te evokuarve ne rreth 5 mije vete. Edhe dje ka vazhduar shperndarja e ushqimeve me helikoptere, makina transporti te ushtrise apo me lundra. Kurse ministrat e kabinetit qeveritar, jane ndare ne shtabe te ndryshme operacionale. Tashme konfirmohet se ka nisur faza me e veshtire, ajo e riparimit te argjinaturave, zgjerimit te shtreterve te lumenjve per te zbrazur ujin dhe shperndarja e ndihmave dhe ilaceve.
Mesohet sipas banoreve, se shirat e vazhdueshem qe prej dites se hene kane renduar situaten, pasi kane shtuar prurjet dhe rritur me disa centimetra nivelin ne Bune. Madje uji i eshte afruar edhe lagjes "Perash" ne qytet, pas gjashte te tjerave qe tashme ndodhen nen uje. Aktualisht te permbytura rezultojne lagjet "Bahcallek", "Kiras", "Ajasem", "Livadhe", "Salo Halili" dhe "Xhabije". Probleme ka edhe ne hyrje te qytetit, prane ures se Bunes.
Vershimi i Bunes ka izoluar pothuajse teresisht edhe komunen e Velipojes dhe kalohet me veshtiresi drejt Shirokes apo Zogajt, banoret e te cilave nuk jane evakuuar ende pasi gjendja deri dje ka qene e qete. Aktualisht rajonet me te prekura jane bashkia e Shkodres me mbi 300 hektare toke dhe gjashte lagje, tete komunat; Ana e Malit, Bushat, Berdice, Guri i Zi, Dajc, Velipoje, Qender dhe Rrethina. Sipas specialisteve mesohet se lumi Buna ka hyre rreth 800 metra ne Shkoder, kryesisht ne lagjen "Xhabije", ndersa rrezikon edhe ate "Perash". Kurse ne te dy kahet e ures se Bunes uji vazhdon te zgjeroje territor, duke e bere gjithnje e me te veshtire levizjen e mjeteve te vogla. Dy dite me radhe nuk ka pasur evakuime te ndjeshme banoresh, kryesisht kane mbetur kryefamiljare qe ruajne banesat me dy apo tre kate, pasi ata me shtepi nje-kateshe jane larguar te gjithe. Prefekti i Shkodres, Mexhit Cungu, deklaroi se operacionet e shperndarjes se ndihmave do te perqendrohen edhe ne koncentratet per bagetite. Aktualisht Shtabi i Emergjencave po perllogarit demet per secilen nga familjet, ku perfshihen 2500 shtepi te demtuara, 10.400 ha te permbytura, gjeja e gjalle, prodhimet bujqesore, baza materiale dhe orendite. Ketu perfshihen edhe demet qe u jane shkaktuar bizneseve te ndryshme, si dyqane, lokale apo firma.