Skandal ne Seria A urdher arreste per 16 persona
Futbolli italian po përballet me një tjetër skandal, pas atij që tronditi Seria A në vitin 2006 ku gjigandët e Juventusit u dënuan me zbritjen nga kategoria, ndërsa Milani dhe Fiorentina u penalizuan me heqje pikësh.
Tani pas një hetimi disa mujor, prokuroria italiane ka shpërndarë urdhër arresti për 16 persona, mes tyre ish-lojtarë të kombëtares së Italisë si Beppe Signori, ndërsa nën hetim janë dy ish-futbollistë të tjerë të përfaqësueses së kaltër Stefano Betarini dhe Cristiano Doni.
Këta të fundit akuzohen si pjesë e industrisë së basteve në trukimin e ndeshjeve. Në fakt janë 18 ndeshjet e hetura mes tyre sfida Inter-Leçe në Seria A dhe 5 takime të tjera në Seria B. Burime të prokurorisë italiane, bëjnë të ditur se ish-kapiteni i Lacios dhe sulmues i kombëtares Beppe Signori është në arrest shtëpiak, ndërsa lista e të akuzuarve rrezikon të zgjerohet më tej.
Ky hetim mund të shkaktojë një tjetër tërmet në futbollin italian, i cili ende nuk e ka marrë veten nga Calciopoli që prishi imazhin e një prej kampionave më të fortë të Europës si Seria A.
Nertan Prifti
Tani pas një hetimi disa mujor, prokuroria italiane ka shpërndarë urdhër arresti për 16 persona, mes tyre ish-lojtarë të kombëtares së Italisë si Beppe Signori, ndërsa nën hetim janë dy ish-futbollistë të tjerë të përfaqësueses së kaltër Stefano Betarini dhe Cristiano Doni.
Këta të fundit akuzohen si pjesë e industrisë së basteve në trukimin e ndeshjeve. Në fakt janë 18 ndeshjet e hetura mes tyre sfida Inter-Leçe në Seria A dhe 5 takime të tjera në Seria B. Burime të prokurorisë italiane, bëjnë të ditur se ish-kapiteni i Lacios dhe sulmues i kombëtares Beppe Signori është në arrest shtëpiak, ndërsa lista e të akuzuarve rrezikon të zgjerohet më tej.
Ky hetim mund të shkaktojë një tjetër tërmet në futbollin italian, i cili ende nuk e ka marrë veten nga Calciopoli që prishi imazhin e një prej kampionave më të fortë të Europës si Seria A.
Nertan Prifti