Skandali, Ministria: Faji i drejtoreshes

Nje dite pas transmetimit ne Top Channel te gjendjes se mjeruar te 20 femijeve te ngujuar, per te cilet buka sigurohej me liste ka reaguar Ministria e Punes, e cila fajeson ish- drejtuesen e kesaj qendre, e cila sipas tyre po mban peng keta femije.

Sipas zedheneses se Ministrise kjo qender eshte ngritur nga nje projekt i Bankes Boterore por me pas ajo i ka kaluar sherbimit social shteteror.

“Per qendren nga janari eshte celur buxheti per te gjithe vitin per te perballuar te gjitha kostot. Ka patur nje problem me drejtuesen e qendres, e cila nuk pranon emerimin e ri qe eshte bere atje dhe po mban peng levrimin e fondeve”, u shpreh zedhenesja e Ministrise, Alma Lahe.

Sipas Ministrise se Punes eshte levruar fondi prej 3.3 milione leke vetem per ushqime per vitin 2009 per sherbimin social ne Berat, i cili deri ne largimin e ish-drejtoreshes do te beje furnizim ditor me ushqime per keta femije.

Drejtori i ri i Qendres eshte emeruar vetem para dy ditesh nderkohe, qe Ministria e Punes sqaron se pervec grupit te punes qe eshte nisur ne kete qender do te kerkohet edhe ndihma e Policise se Shtetit per largimin e ish-drejtueses.