Skandali te FIFA pezullohen dy delegate
Federata Boterore e Futbollit ka pezulluar dy anetare te Komitetit Ekzekutiv Amos Adamu dhe Rejnald Temari delegatet e konfederatave te Afrikes dhe Oqeanise. Dy zyrtaret jane perjashtuar nga votimet e ardhshme per zgjedhjen e vendeve qe do te organizojne Boterorin e vitit 2018 dhe ate te 2022. Pas nje hetimi te gjate Komisioni i Etikes prane FIFA-s pezulloi perkatesisht per 36 dhe 12 muaj dy pjesetaret e Ekzekutivit duke u bazuar tek informacionet e publikuara se fundmi ne mediat britanike rreth faktit qe ata ishin korruptuar per te shitur votat ne mbledhjen qe do te zhvillohet me 2 dhjetor ne Zyrih. Hetimet e institucionit qe drejton futbollin boteror nisen menjehere pas shperndarjes se pamjeve filmike te cilat ishin regjistruar nga gazetare angleze te maskuar. Videot tregonin qarte se Adamu dhe Temari ofronin voten e tyre ne kembim te parave qe sipas tyre do te perdoreshin ne projekte te cilat lidheshin me sportin.
Pervecse jane marre masat per pezullimin e tahitianit Rejnald Temari zv.president i FIFA-s dhe nigerianit Amos Adamu anetar i thjeshte i Komitetit Ekzekutiv ata u gjobiten perkatesisht me 5 dhe 10 mije franga zvicerane. Rreth problematikave te tjera qe jane shqyrtuar jane pezulluar edhe kater zyrtare te tjere te FIFA-s Slim Aloulou anetar i komisionit te futbollisteve nuk do te kryeje asnje funksion per dy vitet e ardhshem Ahongalu Fusimalohi sekretari i Federates se Tonges eshte pezulluar per tre vjet Amadou Diakite pjesetar i komisionit te arbitrave eshte pezulluar gjithashtu per tre vjet ndersa Ismael Bhamje anetar nderi i CAF eshte pezulluar per kater vjet. Nder te tjera Komisioni i Etikes se FIFA-s ka shqyrtuar edhe akuzat per marreveshje te mundshme ndermjet federatave dhe komiteteve organizatore per vendet qe kandidojne per Kupen e Botes por aty nuk jane gjetur prova te mjaftueshme per shkeljen e Kodit te Etikes. Kjo ben qe kandidaturat e Spanjes e Portugalise qe konkurrojne per Boterorin 2018 dhe Katarit per evenimentin e vitit 2002 do te mbeten ne gare. Megjithate konkluzioni i djeshem ishte se nuk ekziston asnje pakt reciprok ndermjet federatave apo komiteteve per kandidaturat ku objektivi ishte shkembimi i votave.