Skenderbeu qendron ne Superiore
Aranit Muraci
Ekipi i Kamzes nuk arriti dot qe te ngjitej ne Kategorine Superiore, per te here te pare ne historine e saj, edhe pse ishte shume prane ketij momenti historik. Skenderbeu i Korces nuk do te zbrese ne nje kategori me poshte, vetem pas nje sezoni ne Kategorine Superiore. Ne stadiumin e Elbasanit "Ruzhdi Bizhuta", Skenderbeu i Korces fitoi minimalisht 1-0 dhe e siguroi keshtu mbijetesen mes me te mirave te Kategorise Superiore. Klodian Asllani realizoi golin e vetem, pak minuta pas fillimit te ndeshjes. Ishte aksioni i pare i skuadres korcare, qe u konkretizua ne menyre te shkelqyeshme para portes se Kamzes. Pas golit te shenuar, Skenderbeu mbrojti mire dhe kerkoi golin e dyte me ane te kundersulmit. Trajneri Mirel Josa kerkoi nga skuadra e tij qe te mos rrezikonte dhe pjesa e pare e ndeshjes eshte mbyllur me nje gol avantazh te Skenderbeut. Trajneri i Kamzes Perlat Musta u perpoq te ndryshonte dicka ne pjesen e dyte te ketij takimi. Ekipi i Kamzes shtoi presionin ne minutat e fundit per te gjetur te pakten edhe golin e barazimit. Por 90 minutat e takimit "play-off" perfunduan me fitoren e merituar te Skenderbeut qe do te luaje ne kete menyre ne te njejten kategori ku ndodhej gjate sezonit te fundit. Skuadra korcare e nisi sezonin pa mbeshtetje financiare. Afrimi i sponsoreve ne fillim te pjeses se dyte te gares forcoi pozitat e kesaj skuadre. Mirel Joses iu besua nje vend ne drejtim te ekipit korcar, nga fillimi i fazes se trete. Skenderbeu zhvilloi nje gare te forte dhe nga rreziku i renies, ne javen e fundit fitoi te drejten e nje ndeshje "play-out". Kamza, pavaresisht nje sezoni te mrekullueshem ne Kategorine e Pare, la pas vetes Partizanin dhe fitoi te drejten per te luajtur nje ndeshje "play off", por pas sfides me Skenderbeun nuk arriti dot qe te permbushte synimin e saj final. Presidenti i Kamzes, Naim Qarri investoi shume gjate sezonit te fundit dhe e afroi Kamzen shume prane ngjitjes. Qarri ka deklaruar se investoi per te ngjitur ekipin ne Superiore dhe do te kishte arritur direkt nje synim te tille, por padrejtesine ne gjykime kane cuar dem perpjekjet e fundit.