Socialiste nga i gjithe vendi nisen drejt KQZ-se
Thirrjet e deputeteve socialiste Erion Brace dhe Mimi Kodheli per te ruajtur votat e Tiranes ka mobilizuar socialistet ne te gjithe vendin. Korrespondentet e gazetes Shqip njoftuan dje ne mbremje per levizjen drejt Tiranes te krereve lokale te Partise Socialiste si dhe per organizimin e anetareve te thjeshte per te udhetuar sot ne mengjes. Organizimi i militanteve eshte konfirmuar dje ne mbremje nga kreret e PS-se ne Fier e Vlore. Kryetari i Partise Socialiste te rrethit te Vlores Kujtim Sulce tha se thirrjes per te mbeshtetur kryetarin e PSSH-se Edi Ramen nga rrethi i Vlores i jane pergjigjur shume qytetare. Ne si kryesi partie nuk kemi vene ne dispozicion asnje autobus dhe nuk detyrojme askend te shkoje ne Tirane. Ata persona qe i jane pergjigjur thirrjes se deputetit Erion Brace jane te vetedijshem qe te shkojne ne mbrojtje te votes. Deputete si dhe qytetare te Vlores do te nisen neser sot qe ne oret e para me automjetet e tyre private ne drejtim te Komisionit Qendror te Zgjedhjeve tha Sulce. Ai shtoi se strukturat e PS-se nuk kane informacion per numrin e njerezve qe do te nisen nga Vlora per ne Tirane. Ai konfirmoi se ne varesi te zhvillimeve ne KQZ do te kete edhe veprime konkrete nga cdo dege e PS-se.