Socialistët e lagjes protestojnë para shtëpisë së Kastriot Islamit

Një grup socialistësh të lagjes, në të cilën banon Kastriot Islami, janë mbledhur para pallatit të tij për të protestuar për shkak të votë së tij në parlament.

Socialistët e lagjes ndjehen të fyer që vota e tyre është përdorur për të mbajtur në pushtet Berishën.

Grumbullimi duket se ka krijuar kaos tek rrugicat e pallatit, ndërsa vetë Islami nuk ishte në banesë, por në Sheraton.

Kastriot Islami, i zgjedhur deputet nga lista e Partisë Socialiste në Tiranë, është larguar nga grupi socialist dhe ka votuar rregullisht çdo nismë të qeverisë Berisha, përfshi përbërjen e qeverisë dhe marrjen e anëtarit të KQZ një ditë më parë.

Berisha i premtoi në Kuvend një bashkëpunim afatgjatë pas këtyre gjesteve, që nënkupton përfshirjen e tij në listat e PD-së në këto zgjedhje.