Solana kërkon armëpushim të menjëhershëm në Gaza

Bruksel -Shefi i diplomacisë evropiane Havier Solana kërkoi sot armëpushim të menjëhershëm mes Izraelit dhe palestinezëve të Hamasit dhe hapjen e pikave të kalimit kufitar mes Egjiptit, Gazës dhe Izraelit.

''Formula për të cilën po punohet dhe mbi të cilën duhet të këmbëngulim bazohet në tre pika themelore, armëpushimin e menjëhershëm, hapjen e pikave të kalimit kufitar mes Gazës dhe Egjiptit dhe Gazës dhe Izraelit dhe dhënia e menjëhershme e ndihmave humanitare'', deklaroi Solana për radion kombëtare spanjolle RNE.Solane theksoi se ''hapja e pikave të kalimit duhet të bëhet në bashkëpunim me Bashkimin Evropian''.

Përfaqësuesi i BE-së, për politikë të jashtme mori pjesë sot në një mbledhje urgjente me ministrat e Punëve të Jashtme të Bashkimit Evropian për gjetjen e zgjidhjeve për daljen nga kriza mes Izraelit dhe palestinezëve të Hamasit