Sot ankandi i ri i 3 miliardeleke obligacioneve 2-vjecare

Sot organizohet ne Banken e Shqiperise ankandi i ri per letra me vlere te qeverise ku do te dalin ne treg obligacione me afat dyvjecar maturimi me vlere 3 miliarde leke. Norma e interesit qe do te dale nga ky ankand eshte fikse dhe nuk do te ndryshoje gjate dy vjeteve nderkohe qe perfituesit do te marrin interesin cdo gjashte muaj. Ministria e Financave synon nje interes prej 8.40 perqindesh ne vit qe eshte nje shifer shume fitimprurese por kohet e fundit norma e interesit te bonove dhe obligacioneve ka ardhur ne rritje si pasoje e nje oferte me te madhe nga qeveria ne tregun e letrave me vlere. Keshtu norma e interesit per bonot e thesarit me maturim 12-mujor njohu nje rritje te ndjeshme te marten duke kaluar nga 7 ne 7.21 per qind.

Financat publike kane rritur kerkesen per likuiditet kohet e fundit pas pageses se 2 miliarde lekeve vetem per blerje energjie nga importi nderkohe qe probleme ka krijuar edhe zgjatja e kohes se keqe ne pjesen veriore dhe lindore te vendit.

Kriza energjitike harxhoi 75 te fondit vjetor buxhetor te kontingjences nderkohe qe po shtohen zerat se qeveria mund ta rishikoje buxhetin gjate muajve ne vijim. Keto shpenzime te paparashikuara mund te perkeqesojne treguesit fiskale dhe te rrisin nivelin e borxhit publik. Ne keto kushte eshte e parashikueshme shtimi i kerkeses qeveritare per borxh te brendshem nepermjet letrave me vlere dhe nje rritje e normes se interesit sidomos per ato me afat te gjate maturimi.
sg/gk/shqiptarja.com