Sot dita e botërore e mjedisit

Pedagogë dhe aktivistë të mjedisit kritikojnë ministrinë e mjedisit për punën e dobët në mbrojtjen e një mjedisi të pastër dhe të shëndoshë. Ata kërkojnë shtimin e programeve mjedisore nga ana e ministrisë me efekte konkrete dhe jo thjesht administrative, në shërbim të ruajtjes së ekosistemeve dhe mjedisit të shëndetshëm. 5 Qershori njihet si dita botërore e mjedisit ndërsa me këtë rast në Tiranë, organizohet Konferenca Ndërkombëtare e Ekosistemeve. I pranishëm në këtë aktivitet ishte edhe zv.ministri i bujqësisë Tokli Thomai si dhe studentë e aktivistë të mjedisit. Në fjalën e tij për mikrofonin e “Ora News”, kordinatori i kësaj konference, pedagogu Hysen Mankolli thotë se duhen shtuar nismat dhe përkujdesjet nga ana e ministrisë së mjedisit për një ambjent të shëndoshë.
Aktiviteti vijon me një sërë prezantimesh të ekosistemeve të përgatitura nga pedagogë të universiteteve shqiptare si dhe ato të rajonit.