Puding me banane

Për 4 racione nevojiten:

* 6 feta bukë me miell të pasitur,
* 40 g gjalpë ,
* 2 banane të vogla të prera në feta,
* 40 g sheqer,
* 3 kokrra vezë,
* 400 ml qumësht,
* kanellë.

Përgatitja:

Ngroheni furrën deri në 180 gradë C. Hiqjani koret fetave të bukës, lyejini me pak gjalpë dhe pritini në katër pjesë. Vendosni një të tretën e trekëndëshave të bukës në një tavë të lyer me pak vaj. Vendosni një të tretën e bananeve të prera sipër; përsëritini këto shtresa, duke përfunduar me shtresën e bukës. Në një enë, përzieni sheqerin, vezët dhe qumështin. Hidheni këtë masë mbi bukën dhe spërkateni me pak kanellë. Nëse keni kohë, lëreni përgatitjen mënjanë për 30 minuta. Më pas vendoseni të piqet rreth 40 minuta, derisa budingu të marrë ngjyrë kafe.