Sot paradite, Kryeministri Berisha vizitoi, në spitalin e Kirurgjisë në Durrës, komisionerin e plagosur një ditë më parë gjatë procesit zgjedhor në Shijak, Marian Saliaga. Kryeministri dëno

Sot paradite, Kryeministri Berisha vizitoi, në spitalin e Kirurgjisë në Durrës, komisionerin e plagosur një ditë më parë gjatë procesit zgjedhor në Shijak, Marian Saliaga. Kryeministri dënoi ashper këtë akt, duke e konsideruar atë një krim të shëmtuar politik. Ndër të tjera, Kryeministri bëri këto komente për mediat:

"Le t'i urojmë shërim të shpejtë Marianit. Dua të theksoj këtu se fitorja më e madhe ishte jeta e tij, sepse ata të cilët menduan të festojnë me jetën e një studenti të Fakultetit të Drejtësisë, në një mision të vërtetë për të gjithë shoqërinë, i emëruar në përputhje me ligjet e vendit si kryetar i Komisionit të Qendrës së Votimit, ata dëshmuan vlerat më të ulëta të moralit njerëzor.

Dje nuk kam folur, sepse kam dashur të flasin qytetarët e Shijakut, por sot dënoj me ashpërsinë më të madhe këtë krim politik të shëmtuar. E quaj politik, sepse u realizua nga dukët e krimit, njeriu i dukëve të krimit, ndërkohë që kreu i tyre, në vend që të dënonte me ashpërsi këtë akt, përzgjodhi si mburojë strofullën e Sollakut.

Së dyti, dua të uroj zotin Osman Metalla, duke falënderuar me shumë mirënjohje zgjedhësit e Shijakut, që me fibrën e tyre qytetare, me qëndrimin e tyre qytetar, bënë të mundur të triumfojë vota mbi dhunën, vlerat mbi antivlerat dhe të kompletojnë një proces thelbësisht të rëndësishëm për demokracinë në Shijak dhe në mbarë Shqipërinë".