Spanja, Luis Enrique: E ardhmja? Nu mund të flas tani

I hidhëruar, trajneri i Spanjës, Luis Enrique, komenton eliminimin e ‘Furie Rosse’ ndaj Marokut: “Ne jemi Spanja dhe e përfaqësojmë atë, ndaj duhet të përgëzojmë Marokun. Ata ishin më të mirë se ne në shortin e penalltive. Futbolli është një sport i mrekullueshëm, por i paqartë, meqenese nje skuader mund te fitojë pa sulmuar. Ne dominuam plotësisht por penalltitë ishin fatale. Jam shumë krenar për lojtarët tanë, i përgëzoj. Zgjodha tre gjuajtësit e parë, të tjerët i vendosën ata. Bono është një portier spektakolar dhe ai ishte fantastic edhe sot. Ne dhamë 100% dhe do të duhet të presim një mundësi tjetër. Më vjen shumë keq për fansat, ne u përpoqëm…”. Pastaj për të ardhmen e tij. “Nuk është koha për të folur për këtë. Tani dua vetëm të shkoj në shtëpi dhe të shoh njerëzit e mi. Javën e ardhshme do të flasim për të ardhmen, duhet ta asimiloj këtë disfatë”.

“Ne patëm një shans me Sarabian, por gjithçka erdhi tek penalltitë në mënyrën më mizore”. Kështu e komenton mesfushori i Spanjës Sergi Busquets në televizionin iberik humbjen ndaj Marokut në Botëror. “Ne u përpoqëm t’i lodhnim, të gjenim hapësirë. Na mungonte ai pak fat në pasimin apo goditjen e fundit”, shtoi mesfushori veteran i Barcelonës. “Penlltitë? Gjithmonë janë koka apo bishta. Por ne i humbëm të tre penalltitë”, shtoi ai i turpëruar. Busquets nuk u shpreh shumë për të ardhmen e tij në kombëtare: “E rëndësishme është kombëtarja dhe jo unë. Është një mbrëmje e vështirë dhe do të shërbejë si një përvojë për të ardhmen me një grup shumë të mirë dhe të ri. Kjo do të na forcojë dhe ne duhet të vazhdojmë”.