Spanja, jo Boterorit 2018

Federata Spanjolle e Futbollit hodhi poshte zerat se ajo ishte e interesuar per te organizuar Kupen e Botes te vitit 2018. "Ka shume pak mundesi qe ne te deshirojme te organizojme Kupen e Botes kesaj radhe", - pohoi zedhenesi i federates, Horge Karetero, per "Associated Press". "Nuk kemi as studime, as projekte. Eshte thjesht ideja e nje njeriu te vetem. Nuk eshte diskutuar as brenda zyrave te federates spanjolle". Lajmet qe qarkulluan ditet e fundit e shihnin Spanjen dhe Portugaline si bashkorganizatore te kompeticionit me te madh boteror te futbollit. Presidenti i Federates Portugeze te Futbollit, Gilberto Madail, pohoi per gazeten sportive spanjolle "As" se ai kishte diskutuar mundesine per te organizuar se bashku me Spanjen organizimn e Kupes se Botes. Dje, zedhenesi i federates spanjolle, Karetero, pohoi se presideni i federates spanjolle, Angel Maria, nuk ishte i interesuar. Kampionati i ardhshem Boteror 2010 do te organizohet ne Afriken e Jugut dhe ai i vitit 2014 ne Brazil. Kandidate mediatike per organizimin e Kampionatit Boteror 2018 jane Rusia, Kina, Meksika, Shtetet e Bashkuara dhe dyshja Belgjike-Holande.