Spektakel dhe gare ne galane e cmimeve

Galaja e cmimeve te Festivalit te 46-te te Kenges ne RTSH kishte rezervuar spektakel. Sikunder edhe pritej, jo vetem konkurrentet me pjesen e tyre, por edhe te ftuarit speciale sollen jo pak emocione ne sallen e Kongreseve. Te ftuar te zgjedhur per nje publik te zgjedhur! Ata jane mjaft te suksesshem ne vendet nga vijne, por italianet “Neri per caso” dhe suedezet “Rednex” njihen jo pak edhe ne Shqiperi. Drejtori Artistik i Festivalit, Edmond Zhulali, shprehet: “Jane dy grupe shume te mira, ndaj edhe pati nje ftese per ta ne finalen e festivalit”. Por surprizat e nates se madhe te cmimeve, asaj te mbremshme, nuk ishin vetem suksesi i ketyre dy te ftuarve speciale. Speciale ka qene e gjithe mbremja, nga interpretimet e kengetareve shqiptare ne gare dhe te ftuarve te tjere. Elsa Lila, prezantuesja e festivalit, ka lene jo pak mbresa, e ka marre jo pak pergezime per interpretimet e saj. Pasi ne finale ka percjelle “Margjelo”, nje nder kenget me te bukura, perla te vendit tone, ne nje tjeter version, sic askush nuk do te mund ta sillte. Jane pjese te spektaklit keto qe e zbukurojne nje mbremje te madhe, e cila “surprizen” me te madhe ka cmimin, apo fituesin e cmimit te madh, qe do te perfaqesoje Shqiperine ne Eurovizionin e Beogradit.