"Spiunet", zgjerohet baza hetimit
TIRANE - Rreziku per hapjen e dosjeve te ish bashkepunetoreve te Sigurimit te Shtetit nuk kercenon vetem njerezit publike, por edhe ata te thjeshte. Ne Komisionin Parlamentar te Ligjeve per here te pare dje u permend ideja e hapjes se dosjeve per te gjithe, jo vetem zyrtareve te larte te shtetit. Ne formen e pyetjes, deputeti socialist njekohesisht dhe relator i Komisionit, Arben Isaraj u kerkoi shoqatave te pranishme nese jane pro hapjes se dosjeve per te gjithe, per te zbuluar "spiunet", duke marre miratimin e disa prej tyre. Por nje ide e tille e hedhur ne tryezen e djeshme, nuk u mireprit shume nga anetaret e Komisionit, te cilet e konsideruan se nje gje e tille do te devijonte disi objektin e ligjit e kerkon kohe per zbatim. Gjate diskutimeve te djeshme, deputetet u njohen me rezervat qe shoqatat kishin per projektligjin per hapjen e dosjeve si dhe ankesat per denimin e krimeve te komunizmit. Ndonese nuk nisen te diskutojne ne parim apo nen per nen projektligjin ne fjale, deputetet reflektuan serish faktin, se ndahen per dy nene qe permban kjo nisme. Deputetet e opozites jane te mendimit qe pas verifikimit personat qe kane poste te rendesishme ne administrate e rol ne vendimmarrje te mos lene ne mes mandatin e tyre detyrimisht. Por, atyre t'u lihet me deshire te heqin dore apo jo nga posti. Ndersa maxhoranca eshte e prere ne qendrimin e saj, se njerez te tille duhet te largohen menjehere nga posti ne momentin se verifikohet se ata dikur kane qene ish bashkepunetore te sigurimit te shtetit. Po keshtu e diskutueshme eshte dhe fakti nese do te kerkohet verifikim per ata zyrtare apo ish zyrtare qe vite me pare kane rene nje here ne siten e kontrollit nga ligji i meparshem. PS kerkon qe zyrtaret qe jane verifikuar njehere te mos jene pjese e ketij ligji, ndersa maxhoranca qe te gjithe te verifikohen nga fillimi. Debatet e mirefillta per kete projekt ne komision do te zhvillohen ne mbledhjet e ardhshme, ku projektligji do te diskutohet ne parim dhe nen per nen. Maxhoranca nga ana e saj kercenon se do ta miratoje brenda ketij muaji projektligjin per hapjen e dosjeve, me apo pa pelqimin e opozites. Edhe pse pret konsensusin e saj. Ndersa opozita kerkon kohe per diskutime e bisedime per projektin e rendesishem. Kryetarja e Kuvendit Jozefina Topalli e ka percaktuar per votim projektin ne fjale brenda ketij muaji ne kalendarin e punimeve te kuvendit. Rozeta Rapushi