Stallone, në Paris për The Expendables
Pas John Travolta-s, edhe Sylvester Stallone pritet të mbërrijë në Paris për të promovuar filmin e tij të fundit.
Ylli i Hollivudit do të jetë të enjten në Rozni su Bua për të prezantuar “The Expendables”, që në kinematë e Francës del më 18 gusht.
Bashkë me Stallone, i cili do të mbërrijë me helikopter, mund të jenë edhe aktorë të tjerë të filmit, si Jason Statham, Dolph Lungdren dhe Mickey Rourke.
Në filmin e drejtuar prej tij, Stallone ka mbledhur aktorët më të mëdhenj të filmave aksion, kryesisht ata që njihen si të fortët e viteve ’80.