Stefanoviç: Bisedimet me Kosovën vijojnë këtë muaj
BEOGRAD – “Bisedimet mes Prishtinës dhe Beogradit do të vazhdojnë gjatë këtij muaji, ndërsa shumë shpejt do të caktohet edhe data”- kështu deklaroi për B92 shefi i ekipit negociator serb, Borislav Stefanoviç.
Temë e bisedimeve të radhës pritet të jetë përfaqësimi rajonal i Kosovës, që thuhet të jetë një nga kushtet që Serbia të fitojë statusin e kandidatit për anëtarësim në BE, ndërsa pala serbe thirret në Rezolutën 1244 si bazë për përfaqësimin rajonal të vendit tonë.
Stefanoviç ka thënë se Serbia ka përgatitur disa propozime dhe, sipas tij, “topi është në anën e Prishtinës, e cila nuk është në situatë të këndshme kur duhet të pranojë propozime konkrete, konstruktive dhe kreative nga Beogradi”.
Sipas Stefanoviç, burim i paqëndrueshmërisë në Kosovë është tentativa e Prishtinës për vendosjen e autoritetit në veri, ndërsa ka pranuar se koncepti i Prishtinës ka mbështetjen e pjesës më të madhe të bashkësisë ndërkombëtare.
(er.nu/BalkanWeb)
Temë e bisedimeve të radhës pritet të jetë përfaqësimi rajonal i Kosovës, që thuhet të jetë një nga kushtet që Serbia të fitojë statusin e kandidatit për anëtarësim në BE, ndërsa pala serbe thirret në Rezolutën 1244 si bazë për përfaqësimin rajonal të vendit tonë.
Stefanoviç ka thënë se Serbia ka përgatitur disa propozime dhe, sipas tij, “topi është në anën e Prishtinës, e cila nuk është në situatë të këndshme kur duhet të pranojë propozime konkrete, konstruktive dhe kreative nga Beogradi”.
Sipas Stefanoviç, burim i paqëndrueshmërisë në Kosovë është tentativa e Prishtinës për vendosjen e autoritetit në veri, ndërsa ka pranuar se koncepti i Prishtinës ka mbështetjen e pjesës më të madhe të bashkësisë ndërkombëtare.
(er.nu/BalkanWeb)