Stina e veres, rriten masat per sigurine ushqimore

Ministria e Bujqesise dhe strukturat e kontrollit veterinar kane forcuar masat per rritjen e sigurise ushqimore ne vend, me qellim uljen e informalitetit ne kete sektor dhe te shkalles se ushqimeve te skaduara ne treg, vecanerisht tani ne prag te stines se veres. Sipas burimeve te kesaj Ministrie, "siguria ushqimore eshte nje nga prioritetet e aktivitetit te saj, pasi ajo eshte e lidhur drejtperdrejte me shendetin e konsumatoreve". Ne kete kuader, theksojne burimet zyrtare, po i kushtohet rendesi kontrollit te ushqimeve gjate gjithe procesit zinxhir te prodhimit dhe tregtimit te tyre, rregullave specifike te kontrollit te produkteve ushqimore me origjine shtazore, te monitorimit te produkteve te detit, vleresimi i sistemeve te sigurise per prodhimet e mishit, etj. Me nje vendim te posacem te ministrit te Bujqesise, Ushqimit dhe Mbrojtjes se Konsumatorit, Jemin Gjana, drejtuar te gjithe strukturave veterinare ne shkalle kombetare, eshte urdheruar ndalimi i thirrjes se bagetive ne rruge, apo vende te pa autorizuara nga Inspektorati, per kryerjen e kesaj veprimtarie. Nderkohe, specialistet po punojne per pershtatjen e legjislacionit shqiptar ne fushen e ushqimit, sipas standardeve evropiane, proces te cilin po e realizon duke bashkepunuar me partnere te Komisionit Evropian si Organizata Boterore e Epizotive (OIE), Drejtorine e Pergjithshme te Shendetit Publik te Komisionit Evropian, etj.