Strehimi ne Tirane 700 dosje aplikimi ne Bashki kalojne ne fazen e dyte

Rreth 700 dosje të familjeve të cilat kanë aplikuar për të përfituar strehim në programin e banesave sociale dhe me qera, tashmë kanë kaluar në fazën e dytë.

Burime nga Sektori i Strehimit pranë Bashkisë së Tiranës, regjistrojnë rreth 1366 aplikime nga 11 njësi bashkiake për të përfituar të drejtën e strehimit.

Kategoritë që favorizohen në këtë drejtim janë invalidët dhe familjet e pastreha.

Aplikimi për banesë sociale apo me qera, kryhet nëpërmjet një formulari që mund të tërhiqet në Zyrën e Informimit për Qytetarët pranë Bashkisë së Tiranës, ose në Njësitë Bashkiake ku qytetari figuron të jetë i regjistruar.