Studentet fitues, ne mes te shtatorit

Piket e Matures dalin ne fund te gushtit, ndersa per fituesit do te priten rezultatet e konkurseve
Fituesit e universiteteve do te shpallen ne mes te shtatorit. Lajmin e bejne te ditur burime nga Ministria e Arsimit dhe Shkences, te cilat ne fakt nuk japin nje date te sakte per nje gje te tille. Kjo, per shkak se gjithcka eshte e varur nga konkurset, te cilat do te zhvillohen ne 10-diteshin e pare te shtatorit. Ne fakt, emrat e maturanteve se bashku me piket perkatese dalin ne fund te ketij muaji, por fituesit ne nje date te mevonshme.
Konkurset
Sipas dekanit te Fakultetit te Inxhinierise se Ndertimit, Andrea Maliqari, konkurset e Arkitektures, sivjet do te zhvillohen ne datat 6, 7 dhe 8 qershor. Tre data jane caktuar per shkak se konkursi zhvillohet ne tre faza, pra ne tri dite te ndryshme. Ne kete menyre, do te provohen njohurite e marra nga arsimi i mesem, ato esencialet si dhe do te kryhet edhe puna suplementare qe permban nje pune individuale te vizatimit teknik apo objekteve ne natyre. Nderkaq, mesohet se konkursi i akademise se arteve do te zhvillohet brenda 10-diteshit te pare te muajit shtator. Rektori Malaj shprehet se, “kohezgjatja e procesit te provimit ne disa prej ketyre fakulteteve do zgjat nje jave ose dhe me teper, duke u nisur nga specifikat qe ka cdo dege”. Nga zgjatja e procesit te perzgjedhjes dhe pranimit do te varet me pas edhe shpallja e rezultateve per studentet fitues. Ndersa, edhe per universitetin e sporteve konkurset pritet te zhvillohen ne javen e pare te muajit te ardhshem, duke e bere te pamundur keshtu shpalljen e fituese ne ne muajin gusht. Sikurse behet e ditur, numri i maturanteve qe ne Formularin A2 kane listuar deget qe kane nevoje per konkurs, eshte mjaft i larte.
Piket
Ndersa krejt ndryshe do te ndodhe me shpalljen e pikeve per secilin maturant. Ai eshte nje proces qe nuk ka lidhje drejtperdrejt me shpalljen e fituesve, ndaj se shpejti, pritet qe ato te jene gati. Agjencia e Pranimit ne Institucionet e Arsimit te Larte (APRIAL) do te jete institucioni qe do te perllogarise piket e te gjithe kandidateve qe u jane nenshtruar provimeve me zgjedhje te Matures Shteterore, dhe qe kane dorezuar Formularin A2. Sipas burimeve nga Ministria e Arsimit dhe e Shkences, fillimisht do te jete APRIAL-i qe do te llogarise piket e do t’i shpalle ato. Kjo, ne menyre qe vete maturantet te mund te perballin rezultatin qe kane arritur te nxjerrin vete, me ate qe ka shpallur Agjencia e siperpermendur. Me pas, do te shpallen emrat e fituesve, ne baze te pikeve. Sikurse behet e ditur, shpallja e fituesve do te behet brenda ketij muaji. Ndersa ata kandidate qe do t’u nenshtrohen konkurseve per degeve te vecanta, duhet te presin pak, ne menyre qe t’i nenshtrohen edhe konkursit per degen qe kane zgjedhur si deget e Akademise se Arteve, te Universitetit te Sporteve, apo Arkitektures. Me pas, kesaj kategorie do t’u llogariten edhe piket e konkursit, per t’iu shpallur rezultatet me vone se maturanteve te tjere.