Studentet, kunder anglishtes per masterat L.Ndoka

Studentet qe presin te diplomohen, apo edhe ata qe jane diplomuar dhe duan te vazhdojne studimet ne Masterin e Nivelit te Dyte, jane te revoltuar me kriterin e pranimeve, per njohjen e kesaj gjuhe ne nivele nderkombetare. Sipas tyre, nuk ka pse te diskriminohen certifikatat e njohjes, qe dalin nga Fakulteti i Gjuheve te Huaja. Por perpos kesaj, ata nuk jane aspak dakord edhe nese projekti do te perfshinte kete fakultet. Per ta, kriteri i njohjes se anglishtes mund te ishte nje plus, por jo seleksionues.
TOEFL
Ndryshimet ne ligjin per "Arsimin e Larte" nuk jane pritur mire as nga studentet. Ata kane reaguar ndaj futjes se gjuhes angleze, si nje nder kriteret kryesore per pranimin ne studimet pasuniversitare Master i Nivelit te Dyte. Sipas tyre, nuk kane pse te diskriminohen studentet qe jane shume te zote ne fushen ku kane kryer studimet e larta, apo kane premisa per te qene te tille ne programin e studimit te masterit, por qe nuk njohin kete gjuhe. "Nese une jam nje student qe kam mbaruar studimet paraardhese me rezultate maksimale, eshte shume e padrejte te "digjem", vetem pse nuk kam te mbrojtur anglishten. E aq me teper, se nuk e kam te mbrojtur ne nivele nderkombetare si TOEFL-i", thote nje studente qe pretendon te vazhdoje studimet e Masterit te Nivelit te Dyte.
Pedagoget
Ne fakt, deklarata per vendosjen e gjuhes angleze si kusht per vazhdimin e ketyre studimeve pasuniversitare, ka sjelle edhe reagimin e pedagogeve te Fakultetit te Gjuheve te Huaja. Sipas tyre, ky vendim i ul reputacionin diplomave qe leshohen nga ky fakultet si dhe zhvlereson mundin dhe djersen, jo vetem te pedagogeve, por edhe te qindra e mijera personave qe kane kryer studimet e larta atje, apo thjesht kane mbrojtur gjuhen. Debatet per ligjin e arsimit te larte, nisen pas deklarates qe kjo gjuhe do te sherbente si kriter kryesor perzgjedhjeje. Projektligji i arsimit te larte eshte kundershtuar nderkohe, edhe nga shume studente dhe pedagoge ne Universitetin e Tiranes si dhe ato ne rrethe. Per kete arsye, perpara miratimit pritet te merren parasysh edhe mendimet e qarqeve akademike e studentore, te cilet kane kembengulur per dicka te tille qe i prek ata drejtperdrejt. Pak dite me pare, ministri i Arsimit dhe Shkences deklaroi se edhe per Masterin e Shkences dhe Profesional, do te jete kusht certifikata e gjuhes angleze. Ne doktorate do te shkohet vetem nepermjet Masterit te Shkencave ose diplomave ekuivalente me te, qe vijne nga vendet e tjera nga studimet e integruara te ciklit te dyte. Ministri Tafaj sqaroi se anglishtja do te jete kusht edhe per pranimet per ne universitetet, pasi ne Maturen 2012 ajo do te jete provim me detyrim.
Ndryshimet ne ligjin per "Arsimin e Larte"
Ministri i Arsimit dhe Shkences deklaroi pak dite me pare, se kushti kryesor per te vijuar studimet pasuniversitare Master i Nivelit te Dyte apo edhe doktoraturen, do te jete njohja e anglishtes ne nivele nderkombetare. Ligji ka ndryshuar pothuaj te gjitha emertimet e studimeve universitare dhe pasuniversitare. Keshtu, per te vijuar doktoraturen, tashme ekziston vetem nje menyre, marrja e diplomes Master i Shkencave, qe eshte emri i ri i vendosur nga ligji per Diplomat e Nivelit te Dyte. Projektligji ka ndryshuar gjithashtu edhe emrat e diplomave. Ne kete menyre, Diplomat e Nivelit te Pare do te quhen diploma universitare "Bachelor", Diplomat e Nivelit te Dyte "Master i Shkencave", ndersa "Masterat e Nivelit te Pare, thjesht "Master". Projektligji i ri parashikon qe ata te cilet perfundojne "Bachelor"-in (ish-DNP-ne) mund te vijojne studimet ne "Masterin" njevjecar ose ne "Masterin e Shkencave" dyvjecar, qe kane zene vendet e diplomave te deritanishme.