"Subvesionim per fermeret, uje pa nderprerje"

Kryeministri Berisha zhvilloi dje nje sere takimesh ne komunat e Korces, ku premtoi zhvillim te metejshem te ketyre zonave bujqesore, ne mandatin e dyte dhe nje jetese me te mire per fermerin shqiptar. Gjate takimeve me banoret ne komunat Bllace, Cerrave, Belortaje, Bulgarec, Mollaj dhe Drenove kryeministri premtoi subvesionime te metejshme per fermeret, uje pa nderprerje ne shtepite e cdo komune dhe infrastrukture te zhvilluar rrugore. Po keshtu kreu i qeverise beri inaugurimin e shume veprave infrastrukturore ne kete zone, si rruge, shkolla dhe ujesjellsa. "Jam ketu tek ju, per t'u premtuar juve, jo dyfishimin e pensioneve, por barazimin e tyre me pensionet ne qytet. Jam ketu per t'u premtuar juve jo dyfishimin e grantit te prodhimeve tuaja, por se paku pesefishimin tij. Premtimet tona nuk jane premtime te lehta dhe te thjeshta, por me fjalen e nderit, jane njeqind per qind te realizueshme", shtoi Berisha ne kuader te premtimeve per mandatin e ardhshem. Njeheresh ai peruroi ne fshatin Bllace nje rruge me gjatesi 3,5 kilometra dhe vlere 26 milione leke. Ne komunen Cerraves, kryeministri theksoi se qeveria, vetem gjate kater viteve te fundit, ka investuar 260 milione leke, kundrejt 49 milione lekeve te investuara, gjate viteve te qeverisjes socialiste, ne tete vjet. Po keshtu gjate turit te tij ne komunat e rrethit te Korces, kryeministri Berisha inauguroi rrugen e fshatit Kamenice. Sipas tij vetem ne komunen Mollaj, mazhoranca ka bere 300 here me shume investime. Po keshtu kryeministri Berisha u ndal ne fshatin Belorta, te komunes Bulgarec, per te peruruar rrugen e ketij fshati, investim me vlere 10 milion leke.