Sulm në qendrën tregtare në Kiev, raportohet për 6 viktima dhe dhjetëra të plagosur

Autoritetet në Ukrainë raportojnë se të paktën gjashtë persona u vranë kur një qendër tregtare dhe një numër shtëpish u goditën në lagjen Podilskyi të Kievit, rreth tetë milje (13 km) në veri nga vendi ku ndodhemi.

Pati një seri goditjesh shumë të forta rreth orës 22:30-23:00. 

Është një pjesë tregtare e qytetit, e rrethuar me zona banimi. Pavarësisht nëse ishte objektivi i synuar, shqetësimi është se, me Rusinë që nuk ka epërsinë ajrore që do të donte, duke mos pasur potencialisht – sipas ekspertëve perëndimorë – kapacitetin për të rrethuar Kievin si në qytetet e tjera, kjo do të jetë taktikë për një kohë: forcat ruse do të vendosen në pozicione për të nisur sulme më të rënda artilerie dhe në mënyrë efektive do të përpiqen të bombardojnë qytetin për t’u nënshtruar.

Ministria e Mbrojtjes e Mbretërisë së Bashkuar thotë se beson se Kievi mbetet objekti kryesor i Rusisë në këtë luftë, pavarësisht përparimeve të frustruara të ushtrisë diku tjetër.