Super-market Porto
Porto është një prej klubeve më të lavdishme në Evropë. Përveç që gjatë historisë së tij ka fituar të gjitha që mund të fitohen, klubi portugez është i veçantë edhe nga një aspekt.
Në dhjetë vitet e fundit ka përfituar gati 300 milionë euro nga shitja e futbollistëve, kurse largimi i tyre nuk ka ndikuar negativisht në rezultatet e skuadrës. Në dhjetë vitet e fundit, Porto fitoi Ligën e Kampionëve, dy herë Europa Leaguen dhe tituj të shumtë në Portugali. Por, për dallim nga gjigantët e tjerë të futbollit evropian, Porto nuk është zhytur në borxhe sepse në përforcime shpenzon pak dhe në mënyrë racionale.
Falë rrjetit fantastik të skautëve nga Amerika e Jugut, klubi ka blerë futbollistë me çmim të lirë nga të cilët nxori paraqitje të shkëlqyeshme e më pas i shiti diku tjetër për shifra marramendëse. Disa prej tyre erdhën edhe falas, siç është shembulli i qendërmbrojtësit Ricardo Carvalho, i cili më pas u shit në Chelsea për 30 milionë euro.
Deco iu bashkua klubit për 100 mijë euro, kurse nga stadiumi Dragao u largua pasi Barcelona pagoi 15 milionë euro. Shembuj të këtillë ka plot. Në vetëm dhjetë vitet e fundit, Porto ka realizuar 16 transferime të ‘mëdha’ e këto përforcime i kushtuan ‘lirë’, më pas u shitën për bashkërisht 350 milionë euro.
Ajo që edhe më tepër mahnit është se Porto përveç shitjes së mençur të futbollistëve, vazhdon të jetë skuadër e nivelit të lartë. Në momentin që largohet një yll i madh, presidenti Pindo da Costa nxjerr tjetrin i cili udhëheq skuadrën drejt sukseseve të reja.
Nga Dragao në dhjetë vitet e fundit janë shitur shumë futbollistë, por nga 16 prej tyre u përfituan para të majme. Skuadra gjatë kësaj periudhe fitoi 23 tituj.
Shitjet më të mëdha të Portos në 10 vitet e fundit:
2004.Ricardo Carvalho – erdhi falas, u shit për 30 milionë euro në Chelsea.
2004.Paulo Ferreira – erdhi falas, u shit për 20 milionë euro në Chelsea.
2004.Deco – u ble për 100 mijë euro, u shit për 15 milionë euro në Barcelonë.
2005.Maniche – erdhi falas, u shit për 16 milionë euro në Dinamo.
2007.Pepe – u ble për 1 milion euro, u shit për 30 milionë euro në Real Madrid.
2007.Anderson – u ble për 7 milionë euro, u shit për 30 milionë euro në Man Utd.
2008.Ricardo Quaresma – u ble për 6 milionë euro, u shit për 19 milionë euro në Inter.
2008.Jose Bosingwa – erdhi falas, u shit për 20.6 milionë euro në Chelsea.
2009.Lisandro Lopez – u ble për 2.3 milionë euro, u shit për 28 milionë euro në Lyon.
2009.Lucho Gonzalez – u ble për 6.6 milionë euro, u shit për 18 milionë euro në Marseille.
2009.Aly Cissokho – u ble për 300 mijë euro, u shit për 15 milionë euro në Lyon.
2010.Bruno Alves – erdhi falas, u shit për 23 milionë euro në Zenit.
2010.Raul Meireles – erdhi falas, u shit për 13 milionë euro në Liverpool.
2011.Radamel Falcao – u ble për 4 milionë euro, u shit për 47 milionë euro në Atletico M
2012. Fredy Guarin – u ble për 2 milionë euro, u shit për 13,5 milionë euro në Inter.
2012. Hulk – u ble për 19 milionë euro, u shit për 40 milionë euro në Zenit.