Sydney humbet titullin si qyteti më i populluar i Australisë, e mbante me krenari prej 100 vitesh

Sydney nuk është më qyteti më i populluar i Australisë, titull që e mbante me krenari për më shumë se 100 vite.

Vendin e tij e ka zënë Melburni, si qyteti më i populluar i Australisë. Rritja e popullsisë në periferi të Melburnit dhe bashkimi i saj me zonën Melton, bëri që të kthehet në qytetin më të populluar.

Aktualisht Melburn ka 18,700 banorë më shumë se Sydney.

Byroja Australiane e Statistikave përcakton “zonën e rëndësishme urbane” të një qyteti, duke përfshirë të gjitha periferitë lidhëse me më shumë se 10,000 njerëz.  

Për herë të fundit që Melburni është cilësuar si qyteti më i populluar i Australisë ka qenë në 1905, kur në të u dyndën emigrantë në zbulimin e arit.

/rtsh.al/