TEL AVIV – Ushtria izraelite kryen sërish sulme në Liban dhe Siri
BEJRUT, 9 shtator /ATSH-DPA/- Ushtria izraelite ka kryer sërish sulme në Liban dhe Siri.
“Në Liban, një automjet u godit nga një dron izraelit”, tha Agjencia Shtetërore Kombëtare e Lajmeve (NNA).
“Një person u plagos rëndë gjatë sulmit, rreth 25 kilometra në jug të kryeqytetit Bejrut”, tha NNA.
Ndërkohë, Agjencia Arabe e Lajmeve Siriane (SANA) tha se sulmet ajrore izraelite kishin goditur qytetet si, Homs dhe Latakia. Fillimisht nuk pati raportime për të vdekur.
Ministria e Jashtme në Damask dënoi ashpër sulmet e ripërtërira, duke i quajtur ato një shkelje të hapur të ligjit ndërkombëtar që rrezikon sigurinë e të gjithë rajonit.
Ushtria izraelite tha se po hetonte incidentet.
Sulmet izraelite kanë vazhduar pothuajse çdo ditë në Liban – pavarësisht një armëpushimi me milicinë “Hezbollah” të mbështetur nga Irani, e cila hyri në fuqi në nëntor.
Ushtria izraelite ka kryer gjithashtu sulme të rënda në Sirinë fqinje që nga rënia e ish-diktatorit Bashar al-Assad në dhjetor.
Kritikët kanë akuzuar Izraelin se po përpiqet qëllimisht të destabilizojë vendin pas përmbysjes. //a.i/