TIA Partite te nisin punen per reformen zgjedhore
Eljona Ballhysa
Transparency International Albania u ka bere thirrje dje partive politike qe te nisin sa me pare punen per reformen zgjedhore. Gjate nje konference per shtyp perfaqesuesi i TIA-s Endri Shabani u shpreh se klasa politike duhet te bashkepunoje per realizimin e reformes zgjedhore pasi vetem nje reforme zgjedhore do te garantoje transparence te procesit dhe mosperseritjen e praktikave te kaluara. Transparency International Albania u ben thirrje partive politike qe cdo akuze qe kane per korrupsion ta depozitojne prane organeve te drejtesise dhe te mos marrin kompetencat e prokurorise e gjykatave. Sipas TIA-s fushata e akuzave te ndersjella te politikaneve shqiptare nuk ka bere gje tjeter vecse ka terhequr vemendjen nga gjendja ekonomike e sociale e qytetareve shqiptare.
Reforma
Partite duhet te fillojne sa me shpejt bashkepunimin per reformen zgjedhore duke respektuar rekomandimet e OSBE/ODIHR-it. Nevoja per ndermarrjen e reformes te pakten 6 muaj perpara dates se zgjedhjeve pervec se nje standard europian eshte nje mundesi per te garantuar nje pjesemarrje te gjere dhe nje transparence te procesit por mbi te gjitha eshte nje garanci per mosperseritjen e praktikave te shkuara te reformave te minutes se fundit - eshte shprehur Shabani perfaqesues i Transparency International Albania.
Zgjedhjet e ardhshme vendore jane planifikuar te zhvillohen me 8 maj 2011. Pavaresisht apelit te OSBE/ODIHR-it dhe komisionerit europian per Zgjerimin Shtefan Fyle partite nuk kane rene dakord ende per te nisur punen per reformen zgjedhore.
Akuzat
Gjate deklarates per shtyp Transparency International Albania u ben apel deputeteve te bashkepunojne me organet e drejtesise duke hequr dore nga imuniteti parlamentar dhe duke depozituar ne prokurori provat qe vertetojne shkeljet e ligjit. TIA shpreh shqetesimin se ne kete situate politike me akuza te ndersjella per korrupsion mes dy kampeve politike po largohet vemendja nga problemet e verteta ekonomike dhe sociale. E gjithe kjo situate ka shfokusuar vemendjen e politikes dhe te medias nga problemet reale te qytetareve. Per kete arsye mendojme se ka nevoje qe vemendja te kthehet te problemet ekonomike. Partite politike duhet te japin shembullin e tyre ne bashkepunim me organet e drejtesise duke hequr dore nga imuniteti parlamentar. Partite politike te depozitojne ne prokurori cdo dokumentacion per shkelje te ligjit. E rendesishme eshte te kthehet vemendja te gjendja ekonomike dhe sociale - nenvizon me tej TIA ne deklaraten per shtyp.
13 Tetor 2010