Takimi Papandreu-Gruevski nuk nënkupton fillim negociatas

Këtë fakt e bëri të ditur sot zëvendësshefi i diplomacisë greke, Dhimitris Drucas. "Takimi jozyrtar në Prespë është dëshmi se dy kryeministrat i japin rëndësi të madhe çështjes së emrit, por kjo nuk do të thotë edhe fillim i negociatave të drejtpërdrejta", tha Drucas në fjalimin e djeshëm përpara Komitetit për Marrëdhëniet me Jashtë dhe Mbrojtjen të parlamentit grek.
     
''Një zgjidhje për emrin është edhe kusht për fillimin e negociatave për anëtarësim të Maqedonisë në BE. Zgjidhja e emrit është kusht i domosdoshëm për fillim të negociatave. Greqia nuk ka arsye të shpejtojë apo të mbetet pas. Dëshirojmë ta imponojmë zgjidhjen tonë jo me forcë, por me bindje", theksoi Drucas.