Taksa, Berisha: Rama po ndjek politiken e rrjepjes se bizneseve Eva Gjura

Debati mes mazhorances dhe opozites per heqjen ose jo te taksave ndaj bizneseve te medha, eshte kthyer serish ne qender te diskutimit politik. Kryeministri Berisha dhe kryetari i PS-se, kane replikuar serish ne distance me njeri-tjetrin, duke mbrojtur qendrimet e tyre. Pak dite me pare, kryetari i PS-se Rama, mbrojti serish idene e tezes se venies se taksave mbi biznesin e madh, ndersa kryeministri Berisha dje nga mbledhja e qeverise, u shpreh se kjo eshte politike e shkaterrimit dhe se kreu i opozites tenton politiken e rrjepjes se te pasurve. “Une e degjoj z.Rama nje dite te thote poshte Koleka, diten tjeter thote rrofte Koleka! Ishte ai qe deklaroi se nuk e ka daje, - ne fakt e ka, por kjo nuk ka rendesi, pasi e drejta e ndryshimit eshte e drejte e cdo njeriu, - por u kthye serish tek Koleka, tek taksa progresive. Ja kjo eshte politika e tij, si te shkaterroje vendet e punes. Po ta ndiqni kete filozofi, eshte shume interesante. Zoti Rama foli per agjenci speciale per taksat. Askush prej jush ketu nuk ka lexuar sic kemi qene ne te detyruar te lexojme per NEP-in, per politiken e taksave te vecanta te Leninit, pas Revolucionit te Tetorit, per te zhveshur te pasurit, per agjencine speciale te Leninit per politiken e NEP-it dhe NEP nuk ishte gje tjeter vecse politika e rrjepjes se bizneseve dhe shkaterrimit te tyre”, u shpreh kryeministri ne fjalen e tij. Sipas kryeministrit, kryetari i PS-se Rama me idene e taksave, vetem sa synon te kthehet pas, ndryshe nga e djathta qe ka sloganin, “Perpara!” “Agjencia speciale nuk eshte asgje tjeter, vecse militante speciale, forca speciale. Rama eshte unik ne doktrinen e tij. Por me duhet t’i them, meqenese ka manine ose te imitoje pike per pike, ose te beje te kunderten, se tani ke perzgjedhur per slogan: Mbrapa! Ne perpara, ai mbrapa, sepse me keto qe premton, mbrapa shkohet. Me taksen e Kolekes shkohet ne ’45, po ashtu me agjencine speciale te taksave me paramilitare, ne kohen e pas luftes. Kete u premtoi biznesit zoti Rama. Por me keto shkohet mbrapa, jo perpara”, u shpreh kryeministri. Per kryeministrin, ekonomia shqiptare ka shenuar nje rritje dhe fuqia blerese ka shenuar rritje. Sipas tij, jane te pa verteta zerat qe deklarojne, se ne vend ka rene fuqia blerese.“Xhiroja ne kete vend, eshte rritur me 7.8% krahasuar e 9 muajt e vitit 2011-te, vit qe pati rritje me 3.2%. te dashur qytetare. Xhiroja e pergjithshme e sipermarrjes shqiptare, eshte nje tregues qe kurre nuk eshte me i vogel se sa deklarohet”, tha ai. Kryeministri ka nenvizuar faktin se modeli ekonomik i ndjekur nga qeveria, funksionon me se miri dhe ka shenuar suksese. “Ky eshte nje model qe garanton rritje, qendrueshmeri, shperndarje e shnderrim te rritjes ne mireqenie per qytetaret, nje model qe ne doktrine gersheton ne menyren me te shkelqyer, standardet me liberale me shperndarjen me te ndershme, ne shnderrimin me te fuqishem te rritjes ne mireqenie per qytetaret. Cdo kilometer rruge qe ndertohet, eshte nje hap ne mireqenien e te gjithe qytetareve ku kalon rruga, eshte kursim ne shpenzimet e tyre, eshte mbeshtetje per tregtine e produkteve te tyre, eshte para se gjitha nje korridor tregu. Rruget jane para se gjithash korridore te tregut, te energjise qe zhvillohet ne shoqeri. Cdo investim qe eshte bere, ka ndikuar ne mireqenien e qytetareve”, u shpreh Berisha.