Taksisti kapet ne "tregti" droge

Durres- Shofer taksie dhe shperndares droge, bie ne pranga nje 24-vjecar nga Durresi. Burime zyrtare te policise thane dje se ndaluan rreth mesnates se diel ne flagrance Armand Lushen, banues ne lagjen nr. 13 te qytetit bregdetar. Agjentet e Zyres Antidroge kishin informacione se i riu kryente edhe profesionin e shitesit te droges, pervec atij te shoferit. Gjate kontrollit eshte kapur nje pakete cigaresh me hashash, me nje peshe 12.55 grame, qe u sekuestrua si prove materiale.
Aksioni ka nisur rreth ores 21:45 te mbremjes, ne bulevardin kryesor te qytetit, teksa agjentet mbanin nen vezhgim prej disa ditesh te dyshuarin Armand Lusha. "Arrestimi i tij u be pasi ne baze te informacioneve te marra, u organizua puna operative nepermjet te ciles u be e mundur kapja ne flagrance, ndersa gjate kontrollit fizik te ushtruar iu gjet dhe sekuestrua ne lenda narkotike e llojit kanabis sativa", e futur ne nje pakete dhe e bere gati per shitje", sqaroi policia vendore dje.
Gjate marrjes ne pyetje, shoferi ka mohuar perfshirjen e tij ne ndonje trafik te mundshem apo shitje te droges tek klientet, por sasia e madhe dhe informacionet e siguruara nga agjentet kane mjaftuar per ta vene Lushen perballe akuzes se "prodhimit dhe shitjes se lendeve narkotike". Duke u fshehur pas profesionit qe kishte, sipas burimeve policore, 24-vjecari mund te kryente me mire aktivitetin e dyshimte pa rene ne sy te policise. Per me teper qe per te fshehur gjurmet perdorte paketa cigaresh, ku brenda fuste edhe dozat e hashashit apo cigaret e sajuara, qe i shiste me nje cmim deri ne 1mije leke.
"Pasi u kryen te gjitha veprimet e nevojshme procedurale, dosja per kete ngjarje i kaloi Prokurorise se Durresit per hetime te metejshme", thane burime zyrtare. Nderkohe qe vijon operacioni per kontrollet dhe shoqerimin e te dyshuarve te perfshire ne kete aktivitet, deri ne zbardhjen e plote.