Aksidentet, 2 viktima ne Fier dhe Durres

Nje i vdekur dhe nje tjeter i plagosur eshte bilanci i dy aksidenteve te ndodhura brenda disa oresh dje ne Fier dhe Durres. Policia nisi hetimet dhe ndaloi shoferet e dyshuar per "shkelje te rregullave te qarkullimit rrugor". Ngjarja me e rende ka ndodhur ne fshatin Zhupan te Fierit. Policia njoftoi se i dyshuari Qazim Hanaj, 50 vjec, me banim ne qytetin e Patosit, duke drejtuar mjetin tip "Audi", me targa FR7643A, ka aksidentuar per vdekje kembesorin 43-vjecar, Shkelqim Selimi, banues ne Fier. Nga hetimet e para behet e ditur se incidenti ndodhi kur i dyshuari po levizte ne afersi te fshatit Zhupan, por drejtuesi nuk ka ndaluar per t'i dhene ndihmen e pare viktimes dhe eshte kapur disa ore pas largimit nga vendngjarja. Policia vendore tha se po heton per te zbardhur shkaqet e ngjarjes. Aksidenti i dyte ka ndodhur ne qender te fshatit Sukth te Durresit, kur mjeti tip "Wolksvagen Pasat", me targa DR8276B, i drejtuar nga Erjon Arapi 28 vjec, nga Shijaku, ka perplasur nje motociklete tip "Honda", pa targa, me drejtues Altin P., 26 vjec, i cili per pasoje eshte plagosur rende dhe derguar per mjekim ne Spitalin Ushtarak te Tiranes. Per dy shoferet po heton prokuroria dhe jane vene nen akuze.