Tatimet, 90 % e bizneseve me TVSH paguajne online Blerina Hoxha
Skema e deklarimeve te tatimeve online nga bizneset e perfshira ne TVSH, duket se ka rezultuar nje proces i suksesshem por tatimoret. Drejtori i Pergjithshem i Tatimeve, Artur Papjani tha dje se rreth 90 per qind e biznesit qe jane ne skemen e TVSH-se, e kane bere deklarimin elektronik te librave te shitjeve dhe blerjeve, nje forme qe eshte aplikuar per here te pare nga administrata tatimore. "Sfidat e medha te teknologjise se informacionit, te cilat kjo administrate eshte e detyruar dhe e ndergjegjshme per t'i zbatuar, jane ato qe kane te bejne me deklarimin madhor elektronik te tatimpaguesve perfshire edhe ato te biznesit te vogel",-tha Papajani. Deklarimi elektronik synon te eliminoje kontaktet e drejtperdrejta mes biznesit dhe tatimoreve por edhe te marre ne kohe reale informacionin per shitjet dhe blerjet qe ben subjekti privat, cka pritet te coje ne ulje te evazionit fiskal. Praktika e deklarimeve online te detyrimeve do te perdoret gjate muajve te ardhshem edhe per biznesin e vogel. Biznesi ne te gjithe vendin do te raportoje taksat dhe elemente te tjera qe kane te bejne me to nga interneti sipas nje kalendari qe tashme tatimoret e kane percaktuar, deklarimi i detyrimeve. Sipas nje udhezimi te Ministrise se Financave deklaratat tatimore si dhe dorezimi i librave te shitjes dhe blerjes, do te kryhet vetem ne menyre elektronike, duke lene te kuptohet ne kete menyre perjashtimin e menyrave te tjera. Sipas tatimoreve do te dorezohen elektronikisht, formulari i deklarimit dhe pageses se TVSH-se, formulari i deklarimit dhe pageses se Tatimit mbi te Ardhurat nga Punesimi (TAP), formulari i deklarimit dhe pageses se Tatimit mbi fitimin (deklarata vjetore) dhe formulari i deklarimit dhe pageses se kontributeve per sigurimet shoqerore. Kreu i Tatimeve u ka bere apel edhe pjeses se mbetur te bizneseve ne skemen e TVSH-se, qe te bejne deklarimin elektronik. Edhe pse afati i deklarimeve ka perfunduar dje, Administrata Tatimore i ka kerkuar Ministrise se Financave qe ndaj ketyre tatimpaguesve te mos vendosen penalitete, perderisa menyra e deklarimit online eshte perdorur per here te pare kete muaj.
Taksat e online, afatet per te gjitha kategorite e biznesit
Drejtoria e Pergjithshme e Tatimeve ka njoftuar se te gjitha bizneset e regjistruara prane Drejtorise Rajonale te Tatimpaguesve te Medhenj, duke filluar nga periudha tatimore 1 janar 2010 do te deklarojne vetem ne menyre elektronike deklaratat per efekt te tatimeve. Subjektet e regjistruara per TVSH-ne dhe tatimin mbi fitimin te regjistruara prane Drejtorive Rajonale, duke filluar nga periudha tatimore 1 mars 2010 dhe subjektet e regjistruara per TVSH-ne dhe subjekt i Tatimit mbi te Ardhurat personale per biznesin e vogel, duke filluar nga periudha tatimore 1 korrik 2010. Reforma e deklarimit online perfshijne edhe entet shteterore, te cilat sipas tatimoreve duhet te paraqesin deklaratat tatimore per tatimin mbi te ardhurat nga punesimi (TAP), per sigurimet shoqerore dhe shendetesore, qe nga 1 marsi i ketij viti. Qellimi qe u miratua ligji, i cili per here te pare perfshin edhe te drejtat e tatim-paguesve ishte per te evituar burokracite, sorollatjet dhe mundesite e nderhyrjes apo presionit nga ana e inspektoreve tatimore. Por megjithese ky sherbim eshte me i thjeshte mosshfrytezimi ka bere qe te nis nje maratone informimi ne te gjithe vendin. Aktualisht nepermjet internetit shkarkohen deklaratat, ndersa ekziston ende frika e deklarimit elektronik pa llogaritur pagesat elektronike. Ka shume faktore qe ndikojne, por me kryesore mund te renditet mungesa e informimit dhe nje lloj hezitimi nga ana e bizneseve. Mirepo duket se, problemin me udhezimin e fundit te financave do ta kene bizneset e vogla qe kete vit u perfshine ne pagesen e TVSH-se, te cilat me pare nuk kane perdorur internetin per deklarimin tatimeve.