"Te interesuar per bisedimet me PD, jo me PS"

Negociatat mes Partise Demokratike dhe asaj Levizja Socialiste per Integrim, per qeverine e re, do te zhvillohen dhjetediteshin e fundit te muajit gusht. Pa dhene asnje date konkrete kete here, nga LSI shprehen optimiste per ecurine e negociatave ne funksion te mireqeverisjes. Sekretari i Pergjithshem i LSI-se, Petrit Vasili, tha dje per Gazeten "Koha Jone", se dhjetediteshi i fundit i gushtit eshte periudha e duhur per te zhvilluar keto negociata. "Ne jemi shprehur pro asaj periudhe kushtetuese, per te cilen ka qene dakord dhe kryeministri Sali Berisha. Nuk kemi dhene data konkrete. Periudha kushtetuese eshte java e fundit e muajit gusht", tha Vasili. Ne menyre kategorike, ai u shprehe se keto negociata nuk lidhen aspak me ndjekjen e ecurise se zhvillimeve ne Partine Socialiste. "Per ne, nuk ka fare rendesi si po ecin zhvillimet brenda selise roze. Ne jemi te interesuar te zhvillojme bisedimet tona me PD-ne per krijimin e qeverise se re", u shprehe Vasili. Deri me sot, LSI ka bere publik pretendimet e saj per disa ministri. Kjo force politike eshte shprehur e interesuar per te marre drejtimin e Ministrise se Shendetesise, Ekonomise, te Punes dhe Ministrine e Arsimit. Ne keto dikastere, LSI pretendon se duhet te jape kontributin e saj ne qeverine e ardhshme. Nuk dihet ende se sa do percaktohen ne negociata, por te dy palet si PD ashtu edhe LSI, jane shprehur se bisedimet per krijimin e kabinetit te ri qeveritar, do te jene transparente. R. R.