Te majtet ne PE: Te ndalen demonstratat, rrisin tensionet Qamil Xhani

Te majtet e Parlamentit Evropian, shprehen te shqetesuar per situaten politike ne Shqiperi dhe kerkoje evitimin e demonstratave. Ne nje deklarate te shperndare dje per mediat, Grupi i Socialisteve dhe Demokrateve ne Parlamentin Evropian theksohen se forcat politike duhet te hetojne ngjarjen e dates 21 janar. Por duke vleresuar ecurine e ngjarjeve, edhe vete te majtet e PE-se, sugjerojne shmangien e demonstratave, te cilat mund te sjellin gjakderdhje ne vend. "Grupi i Socialisteve dhe Demokrateve ne Parlamentin Evropian konfirmon te drejten themelore te popullit shqiptar per te demonstruar. Por, ai konsideron se ne rrethanat aktuale organizimi i veprimeve te tilla mund te perkeqesoje edhe me tej tensionin ne vend dhe mund te rezultoje ne gjakderdhje te metejshme. Per kete arsye, ai i fton udheheqesit e te gjitha forcave politike te tregojne qetesine dhe permbajtjen e nevojshme ne situaten e veshtire qe po kalon Shqiperia. Ato duhet te kontribuojne per demokracine dhe stabilitetin e vendit", thuhet ne deklaraten e te majteve ne PE. Ne deklaraten e shperndare dje nga Partia Socialiste, theksohet se Parlamenti Evropian eshte i shqetesuar per ngjarjet dhe kerkon bashkepunimin mes paleve. "Grupi i Socialisteve dhe Demokrateve ne Parlamentin Evropian shpreh shqetesimin e tij te thelle mbi perkeqesimin e situates se polarizimit politik ne Shqiperi, nje vend ky i lidhur ngushte me Bashkimin Evropian permes Marreveshjes se Stabilizim-Asociimit dhe qe ka aplikuar per anetaresim ne Bashkimin Evropian", thuhet ne deklarate. Nga ana tjeter, te majtet ne PE kerkojne shtimin e perpjekjeve per zgjidhjen e situates se krijuar ne vend, me ane te dialogut. "Se fundi, Grupi i Socialisteve dhe Demokrateve ne Parlamentin Evropian i ben thirrje Komisionit dhe Perfaqesuesit te Larte qe te shtojne perpjekjet e tyre per te krijuar kushtet per te gjetur nje rrugedalje nga kjo krize serioze ne Shqiperi dhe te angazhohen me udheheqesit kryesore politike, ne nje dialog konstruktiv per kursin e ardhshem politik te vendit te tyre",-thuhet ne deklaraten e te majteve evropiane. Ne apelin e eurodeputeteve qe perfaqesojne alternativen e majte kerkohet vendosja e dialogut, si parakusht per te ardhmen evropiane te vendit. "Ai u ben thirrje udheheqesve te te gjitha forcave politike, qe te zgjidhin problemet e Shqiperise dhe te vendosin per te ardhmen e vendit permes dialogut konstruktiv dhe ne nje menyre, qe perputhet me ambiciet e Shqiperise ne rrugen e saj drejt anetaresimit ne Bashkimin Evropian. Ky dialog, per te gjetur zgjidhje politike perben nje parakusht per hapat e metejshem drejt integrimit evropian, mungesa e tij do te rrezikonte seriozisht marredheniet e vendit me BE",-thuhet ne deklarate.

DEKLARATA
"Grupi i Socialisteve dhe Demokrateve ne Parlamentin Evropian, konfirmon te drejten themelore te popullit shqiptar per te demonstruar. Por, ai konsideron se ne rrethanat aktuale organizimi i veprimeve te tilla mund te perkeqesoje edhe me tej tensionin ne vend dhe mund te rezultoje ne gjakderdhje te metejshme. Per kete arsye ai i fton udheheqesit e te gjitha forcave politike, te tregojne qetesine dhe permbajtjen e nevojshme ne situaten e veshtire qe po kalon Shqiperia".