Te perndjekurit: Distancohemi, greva eshte politike Eva Gjura

Pas distancimit te ish te perndjekurve te Korces, Pogradecit dhe Shkodres, dje ka qene shoqata e ish-te perndjekurve politike te Elbasanit, te cilet jane shprehur kunder greves se urise se ish te perndjekurve politik te Tiranes, duke e cilesuar ate si greve teresisht politike dhe nje skenar te paster te Partise Socialiste dhe kryetarit te saj Edi Rama. Ne emer ish te persekutuarve politike te Elbasanit, Ilirjana Herri u shpreh se, ata qe jane ne greve nuk mund te jene perfaqesues te ish-te perndjekurve pasi kane qene te denuar per krime ordinere. Gjithashtu ajo deklaroi se ish te perndjekurit e Elbasanit nuk mund te pajtohen me aktet qe iniciojne ish-persekutoret, te cilet jo vetem nuk dhane demshperblime por nuk kerkuan as falje per krimet. Shoqata e ish-te perndjekurve te Elbasanit ben te ditur se nuk do te bjere kurre pre e ketyre manipulimeve per te rrezuar qeverine. "Ne nuk mund te biem pre e mashtrimit te Edi Rames dhe shokeve te tij, te cilet qajne me lot krokodili kur vizitojne grevistet duke u tallur me premtimet boshe qe do te beje kur te vije ne pushtet. Ishte koha kur Majko ishte Kryeminister dhe sebashku me ministrin i tij te financave demshperblyen persekutoret tane, ndersa sot Pandeliu degjon hallet e grevisteve dhe ky eshte nje paradoks", thuhet ne deklaraten e ish te perndjekurve te Elbasanit. Me tej ne deklaraten ish te perndjekurit e Elbasanit shprehen se ata nuk mund te behen pale me bijte e atyre qe i kane vrare dhe i kane burgosur. "Ne nuk mund te behemi pale me bijte e atyre qe na vrane dhe burgosen, nuk mund te jene perfaqesues te shtreses se ish te perndjekurve politike ata individe, qe jane denuar per krime ordinere. Ne distancohemi nga veprimet e tyre, pasi ata protestojne per kauzen individuale dhe jo per ato te shtreses se gjere, te cilet kane perfituar demshperblim si te denuar politik", thuhet ne deklarate. Ata i kane bere thirrje grevisteve qe te terhiqen sa me pare nga kjo greve, qe sipas tyre i ka shkaktuar dem Shqiperise dhe ka fyer shtresen e ish-te persekutuarve. Sipas perfaqesuesve te shoqates se ish te perndjekurve te Elbasanit, greva e urise eshte nje e drejte e ligjshme, por menyra kur u shfrytezua per tu bere kjo greve nuk ishte e pershtatshme, duke treguar se po behet thjeshte per konsum politik. Ish te perndjekurit politik jane prej 30 ditesh ne greve urie duke kerkuar nga qeveria qe te demshperblehen per vitet e tyre te burgut dhe te persekutimit nga regjimi komunist.

Ish te perndjekurit e Tropojes, kunder greves se urise

Kunder greves se urise se ish te perndjekurve politik ne Tirane eshte shprehur edhe shoqata e ish-te perndjekurve ne Tropoje. Nepermjet perfaqesuesve te tyre kjo shoqate bene te ditur se greva e urise ne Tirane eshte politike. Sipas tyre mbeshtetja dhe organizimi i saj prej Partise Socialiste, nxjerr qarte synimet e kesaj force politike per rrezimin e qeverise demokratike. "Ky eshte nje turp, sepse po i humben vlerat te perndjekurve politik. Keto njerez kane dale ne nje skene te pa pershtatshme dhe kane prapavije politike. Sipas informacionit qe ne kemi kjo eshte nje greve e dirigjuar nga skenaret e sigurimit te vjeter te shtetit nga Partia Socialiste" thuhet ne deklaraten e perfaqesuesve te ish te denuarve politik te Tropojes. Greva e urise se ish te perndjekurve politik te Tiranes, eshte kundershtuar nga shume shoqata te ish te perndjekurve politik ne disa qytete te vendit.