Televizioni A1, dita e 23-të pa energji dhe pa përgjigje

Dështon takimi i drejtuesve të "Spektër" sh.a., me zyrtarët e KESH-it
Edhe dje energjia nuk u rikthye në Televizionin A1, në ambientet e ish-Kinostudios. Dje ishte parashikuar një takim për të zgjidhur situatën, por drejtuesit e televizionit nuk kanë arritur të takohen me zyrtarët e KESH-it, ndërsa për të 23-ën ditë, gjeneratorët me naftë kanë mundësuar vazhdimin e transmetimeve të televizionit. Takimi i parashikuar për dje mes drejtuesve të kompanisë "Spektër" sh.a., dhe zyrtarëve të KESH-it, pritej që të zhbllokonte situatën e rëndë të ndërprerjes së energjisë elektrike.Shkëputja e energjisë në Televizionin A1 u bë në 13 dhjetor 2007, pas veprimit antiligjor të drejtuesve të KESH-it, që kërkonin pagimin e faturës afrofe të vendosur në mënyrë abuzive nga faturistët. TVA1 i shleu disa detyrime të papërfillshme një ditë pas ndërprerjes së energjisë, por jo shifrën afrofe, për të cilën ka ngritur një padi një gjykatë ndaj KESH-it. Por KESH-i nuk iu përgjigj këtij veprimi me rilidhjen e energjisë, meqë Televizioni A1 nuk ka pranuar të paguajë vetëm shumat e vëna në mënyrë të qëllimshme në kurriz të tij, nga nëpunësit e KESH-it, që patjetër janë urdhëruar për këto veprime kriminale, në dëm të një biznesi dhe një organi të medias vizive. Drejtuesit e "Spektër" sh.a., përveç ngritjes së padisë gjyqësore ndaj KESH-it, kanë sensibilizuar faktorin politik dhe Shoqatat për Mbrojtjen e Medias, brenda dhe jashtë vendit, për rastin flagrant. Ndëshkimin politik të Televizionit A1 e denoncoi në fund të dhjetorit 2007 edhe PS-ja, e cila e ka komentuar si përpjekje të qeverisë dhe mekanizmave të saj, për të goditur fjalën e lirë dhe gjobitur në mënyrë abuzive sipërmarrjet private. I vetmi që nuk ka reaguar ka qenë KESH-i, duke treguar se ka marrë urdhra politikë për të lënë pa energji televizionin, i cili për këtë rast kërkon edhe dëmshpërblimin 3 mijë euro në ditë.